जिद्दि छोरा र शिक्षकको कथा

 एक अति जिद्दी बालकले आफ्ना बाबुआमासंग भनेछ -

"म छेपारो खान्छु"

बाऊआमाले लाख सम्झाए तर मान्दै मान्दैन...

हार मानेर बच्चाका मास्टरलाई बोलाईयो,

मास्टर आए र फेरि सम्झाए ।

केहि नलागेपछि उनकै आदेश अनुसार छेपारो मगाईयो...

प्लेटमा राखिएको छेपारो बच्चालाई दिंदै मास्टरले भने -

" ल खा "

बच्चा रूँदै .... -

"यो काँचो त खान्न ... तारेको खान्छु"

छेपारोलाई तुरून्तै तारेर ल्याईयो।

मास्टर ...

"ल अव चुपचाप खा"

बच्चा उफ्रँदै ...

"यो सिंगै त खान्न ... आधा मात्र खान्छु"

तुरून्तै दुई टुक्रा पारेर ल्याईयो ...

मास्टर ...

"ल छिटो खा"

बच्चा भुईंमा मडारिंदै ....

"पहिला त्यो आधा तपाईंले खानु, आधा-आधा खाने "

असिनपसिन भैसकेका मास्टरले पसिना पुछ्दै नाक र आँखा थुन्दै आधा छेपारो निले ...

जब मास्टरले छेपारो निले,

बच्चो सासै रोकिएला झैं उफ्रि उफ्रि डाँको छोडेर झनै बेसरी रून थाल्यो।

सवैले सोधे - के भयो फेरि ???

उसले भन्यो -

"मलाई जुन टुक्रा खान मन थियो त्यो सरले खाईदिनु भयो, अब म कुन खाने ???"

मास्टर सुरूवाल तान्दै टाप कसे ...