सार्वजनिक सेवा र निजामती कर्मचारीको भूमिका

सार्वजनिक सेवा भनेको के हो ? सार्वजनिक सेवा प्रवाहमा निजामती कर्मचारीको भूमिका कस्तो हुनु पर्दछ बुँदागतरूपमा दिनुहोस । ३+७=१०

देशको शासन व्यवस्था सञ्चालन गर्न जनताद्वारा स्थापित संस्था सरकार हो। शासकीय विधि र पद्धतिबाट यो निर्देशित हुन्छ। यसको मूल कार्य जनताको सेवा गर्नु हो । सरकारले नागरिकलाई विभिन्न सेवाहरू उपलब्ध गराउने सार्वजनिक प्रतिबद्धता जाहेर गरेको हुन्छ ।

सरकारले त्यही प्रतिबद्धता पूरा गर्न राज्यका तर्फबाट प्रदान गरिने सेवाहरूलाई सार्वजनिक सेवा भनिन्छ।

अर्थात, सरकार वा यसका आधिकारिक संगठनले

जनसाधरणको हित र कल्याणका लागि उपलब्ध

गराउने सेवालाई सार्वजनिक सेवा भनिन्छ ।

सरकारले नागरिकहरूलाई विभिन्न सेवाहरू उपलब्ध

गराउने सार्वजनिक प्रतिबद्धता जाहेर गरेको हुन्छ ।

सरकारले त्यही प्रतिबद्धता पूरा गर्न राज्यका

तर्फबाट प्रदान गरिने सेवाहरूलाई सार्वजनिक सेवा

भनिन्छ ।

औद्यगिक क्रान्तिले ल्याएको परिवर्तनको लहरसँगै

१९औँ शताब्दीतिर सार्वजनिक सेवाको

अवधारणाको विकास भएको हो ।

सरकारले शिक्षा स्वास्थ्य खानेपानी विद्युत्

सञ्चार हुलाक यातायात सुरक्षाजस्ता जनतालाई

उपलब्ध गराउने सेवा सार्वजनिक सेवा हो । सरल एवं

छिटो जनतासमक्ष पुर्याउनु सार्वजनिक सेवा

प्रवाह हो ।

सार्वजनिक सेवा प्रवाहमा निजामती कर्मचारीको भूमिका

जनताले अपेक्षा गरेअनुरुप सेवा प्रवाह गर्ने

सेवा प्रवाहमा आमजनताको पहुँच स्थापित गर्ने

सेवा प्रवाहमा जनसहभागिता अभिवृद्धि गर्ने

सेवामा गुणस्तरीयता कायम राख्ने

जनताको आवश्यकताअनुसार सेवा वितरण गर्ने

सेवा प्रवाह छिटो-छरितो सहज रुपले गर्ने

समानताको आधारमा सेवा प्रवाह गर्ने

नातावाद कृपावाद पूर्वाग्रहबाट मुक्त रहने

गुनासो व्यवस्थापन गर्ने

सार्वजनिक सुनुवाई माध्यमबाट सरोकार पक्षलाई जिम्मेवार बनाउने

सामाजिक न्याय र सामाजिक सुरक्षालाई आत्मसात गर्ने

सेवा प्रवाहमा नविनतम प्रविधिको प्रयोग गरी कार्यसम्पादनलाई प्रभावकारी बनाउने

सेवा क्षेत्रको किटानी तथा सेवा प्रवाहमा पारदर्शिता अपनाउने

सेवाको गुणस्तर निर्धारण गर्ने

खुला र पूर्ण सूचनाको प्रवाह गर्ने

छलफल र संलग्नता विस्तार गर्ने

निष्पक्ष व्यवहार गर्ने

पहुँच र चयन विस्तार गर्ने

गल्ती कमजोरीको शीघ्र सुधार गर्ने

साधन स्रोतको अत्युत्तम प्रयोग गर्ने

सुधार र अग्रसरता विस्तार गर्ने

अरू प्रदायकसँग सिक्ने र साझेदारी गर्ने

सरकारले देहाय बमोजिमका प्रकारका_सार्वजनिक_सेवा_प्रवाह_गर्दछ

आधारभूत आवश्यकता परिपूर्ति सम्बन्धी सेवाहरू

क्षमता अभिवृद्धिसम्बन्धी सेवाहरू

कल्याणकारी सेवाहरू

मनोरञ्जनसम्बन्धी सेवाहरू

पूर्वाधार विकास।