आकाशिने बाजको कथा

 काग मात्र यस्तो पन्क्षी हो  जसले  उडिरहेको बाजको पिठिउँमा बस्छ र गर्दनमा ठुँग्न थाल्छ। तर बाजले तुरुन्तै कुनै पनि  प्रतिक्रिया दिँदैन। न त कागसँग लड्छ, न त हतोत्साहित हुन्छ, न त आफ्नो समयलाई खेर फाल्छ।

आफूलाई ठुँगिरहेको कागको वेवास्ता गर्दै बाजले आफ्नो पखेटा फिँजाउछ र आकाशमा उचाइतर्फ उडानको रफ्तार बढाउछ । उचाइको तीव्रता बढेपछि अक्सिजनको कमीले गर्दा  कागलाई सास फेर्न गाह्रो हुन्छ र तल खस्छ।

  यसकारण; जिन्दगीको मोडहरूमा भेटिने कागजस्ता उल्झनलाई बेवास्ता गर्न सिक्नुपर्छ । पिठ्युँ पछाडि बसेर ठुँग्नेहरूको निम्ति समय खेर फाल्नु हुदैन ।

   केवल आफ्नो लक्ष्यको उचाइतर्फ बढ्नुपर्छ । तिनीहरू आफै खस्नेछन्, तिनीहरूले आफैलाई गुमाउने छन् जो तपाईंको बुई चढेर कु-नियतका साथ सासन गर्न र सासक  बन्न चाहन्छन्।