रेलबाइ टेसन छेउछाउ... (भरिया गीत) संगीत स्रोता

 रेलबाइ टेसन छेउछाउ... (भरिया गीत)

________________________________

हजारौं वर्ष लामो यो नाम्लो

लाखौं वर्ष नाघेको यो थाप्लो

त्यो भन्दा नि पुरानो एउटा भारी–

यो पिर्थिवी !

बस बिसाउनी छेउछाउ

छ कि बेथा बिसाउने ठाउँ

निधारै जेठो हो कि पसिना यी धारा

यो पिठिम पुरानो कि यो भारी सहारा

नरोऊ न भन्छु, सउर झन् रुन्छ चम्धारा

रेलबाइ टेसन छेउछाउ

छ कि दुःख लुकाउने ठाउँ

जोर गोडा तीँ–देखिन्, जाँ–देखिन् यो बाटो

दोबाटो बोल्छ सधैं– जाऊ सखी मूलबाटो

फेर परोस् बाटै बरु, नपरोस् मनफाटो

जहाज गिरान छेउछाउ

छ कि जुनी कटाउने ठाउँ