होली

 होली

ओइ काली विहानै आउ ल !

माथीकी गोरी पनि आउँछे 

हामी मिलेर होली खेल्नुपर्छ

रङ दल्नु पर्छ । नाच्नु पर्छ .

थाहा छ ?

तिमिहरु दुवैजना उस्तै देखिनेछौ त्योबेला

उसको परिवारले तिमिलाई 

कालि कलौटी भन्नेछैन 

छट्याउने छैन, हेप्ने र गिज्याउने छैन

किनभने तिमिहरु उस्तै उस्तै देखिनेछौ

एउटै एउटै देखिनेछौ

के गर्नु र !

न हावाले न पानीले

न आगोले न माटोले

न घामले न जुनले कसैले छुट्टाएन

कालो, गोरो राम्रो, नराम्रो 

जातभात दिनरात

विभेद गर्ने, तिमिलाई काली बनाउने 

हेप्ने र बेइज्जत गर्ने, मान्छे हो 

जो रातदिन समाजवादका कुरा गर्छ

साम्यवादको कुरा गर्छ । 

कविः चित्र सुवेदी